Rear View Mirror

काल संध्याकाळी ऑफिस मधून भरधाव वेगात परतत होतो,

   सहजच लक्ष समोरच्या Rear  View Mirror मध्ये गेले.

सर्व दिवसाच्या आठवणींचा धुरळा उडवत "त्याचा" सप्त अश्वांचा रथ

    निशे कडे निघाला होता. 

रोजच्या वेगात  Rear  View Mirror मध्ये बघणे काही होत नाही,

    आणि असे सुंदर दृश्य बघता काही येत नाही.

पण आज एवढ्या वेगात ते  सुंदर दृश्य नेत्रात आणि मनात टिपत होतो,

 त्या समोरच्या आरश्यात.

घरी आलो , तुमचे हे सगळे messages वाचले आणि 

      आयुष्याच्या वेगवान गाडीत मनाच्या  Rear  View Mirror मध्ये

आठवणींच्या अश्वांनी चौखूर धुरळा उडवला

$hail

तुझ्या ओठांच्या धनुष्यावर,

              नजरेचा तीर चढताच

हलकेच, 

        का दातांनी ओठांचा 

              प्रत्यंचा दाबलास  ?

                                                                    

त्या अधरांच्या चुंबनासाठी 

           हातानी हनुवटी स्पर्शिताच

हलकेच 

          का नयनातील,

                 सागर मिटलास  ?

शैल 

तिची आठवण तिची प्रतीक्षा

निशब्ध संध्याकाळ 

       अशी कातरवेळ 

तिची आठवण 

       तिची प्रतीक्षा 

विचारांचे मोहोळ 

     अस्वस्थ शांतता

तिची आठवण 

     तिची प्रतीक्षा

स्तब्ध सळसळ 

      हलकीच झुळूक 

तिची आठवण 

     तिची प्रतीक्षा

हलकी रिमझिम 

      मातीचा सुगंध

तिची आठवण 

      तिची प्रतीक्षा

शैल 

शब्द

काही लिहायचे आहेत,

          काही बोलायचे आहेत

                आहेत विलक्षण शब्द जरी,

बात आहे शब्दांच्या पलिकडली

काही घ्यायचे आहेत, 

             काही द्यायचे आहेत 

                     आहेत किमती शब्द जरी,

बात आहे शब्दांच्या पलिकडली

काही स्मरायचे आहेत,

                  काही विसरायचे आहेत,

                         आहेत साधे शब्द जरी,

बात आहे शब्दांच्या पलिकडली  

काही निरखायचे आहेत, 

                काही दुर्लक्ष्याचे आहेत,

                        आहेत सुंदर शब्द जरी,

  बात आहे शब्दांच्या पलिकडली,

शैल

काळाचा वेग

समोरच्या पेनेल  वरचे सर्व  मीटर बदलले 

          पण  तो  काही बदलला नाही 

मी वेग आयुष्याचा वाढवला 

          म्हणून तो काही वेगात पळाला नाही 

अन मी मंदावलो 

          म्हणून तो काही सावकाश झाला नाही  

आयुष्याची सर्व चक्र बदलली 

          पण तो काही बदलला नाही

                                         

                                                                          

आतुरतेने तिची वाट पाहत होतो 

          म्हणून तो काही पुढे सरकला नाही

अन ती निघाली 

          म्हणून तो काही क्षणभर थांबला नाही

प्रेयेसी ते बायको हा बदल झाला 

          पण तो काही बदलला नाही

त्या भीषण सुनामी नंतर सर्व जग धपापले 

          म्हणून तो काही थबकला नाही          

अन पार्लमेंट मध्ये आम्ही अख्खं अधिवेशन घालवलं

          म्हणून तो काही धावला नाही

हिरोशिमा ते सुनामी नंतरचा जपान बदलला

          पण तो काही बदलला नाही

शैल  /   $hail

Dear Mom

                             

When I sit on the sand and behold the sea
I remember you with all love for me


When I am touched by the waves of the sea
I remember your hands with all tenderness cajoling me


When I hear the sound of the waves
I remember your voice with all sweetness appreciating me


When I feel the calmness of the water
I remember your thoughts with all the depth thinking about me


When I see the rushing water in those rainy days
I remember your enthusiasm with all the fun that you have for me


When I dive down in the water having endless depth
I remember your love with all the depth that I can never reach its bottom


When I see the sun setting at horizon
I remember your face with the entire glow for my achievements.

                                                                                             
Shail

धुंद अशा पावसात या

धुंद अशा पावसात या
       भिजतोय असा हा गार वारा
मनातील कोलाहलात या
      धडधडातोय असा हा रान वारा

विजांच्या अशा कडकडाटात या

      बरसवतोय असा हा गारा

मनातील काजळीत या

       थरकापवतोय असा हा शहारा

रात्रीच्या अशा प्रहरात या

       बेधुंद असा हा आसमंत सारा

मनातील अतृप्ततेत या

      धगधगवतोय असा हा अंगारा

कवी शैल

ह्रदय माझे

आज मी माझ्या हृदयावर
                 प्रेम करू लागलो

                                                                          

आज कळले मला कि                                                
                किती दमते ते

मला चालू ठेवण्यासाठी कधीच
                नाही बंद पडते ते
आज मी माझ्या हृदयावर
               प्रेम करू लागलो                                          

                                                                  

आज कळले मला कि
               किती  माझ्यात गुंतते ते
जरी मंन माझे

                नको त्यात पडते ते




शैल

नौका माझी

का अशी नौका माझी

      भरकटत असते

किनारा दिसत असला तरी

      शीड भरतच नसते

का अशी बंदराची ओढ माझी

      कुरतडत असते

किनाऱ्या जवळ असलो तरी

      नांगर पडतच नसते

का अशी छाती माझी
      धडधडत असते
मलमली स्पर्शात असलो तरी
      शांतता होतच नसते


का अशी स्वप्ने माझी
      फूलवीत असतो
सुंदर पहाट असली तरी
     झोप येतच नसते

खुप काही

खुप काही बोलायचे आहे
                 खुप काही करायचे आहे


खुप काही वाचायचे आहे
                 खुप काही लिहायचे आहे
खुप काही मनात आहे
                 खुप काही ठरवले आहे

खुप काही निश्चय आहेत

                 खुप काही अनिश्चय आहेत

 खुप काही निश्चित आहे

                 खुप काही अनिश्चित आहे


खुप काही स्थिर आहे
                 खुप काही अधांतरी आहे


शैल